19 മത് മലയാളി പെന്തകോസ്റ്റൽ അസ്സോസിയേഷൻ (MPA UK) നാഷണൽ കോൺഫറൻസ് ഇംഗ്ലണ്ടിലെ ഓക്സ്ഫോർഡിൽ
യൂ കെയിലെ മലയാളി പെന്തകോസ്ത് പ്രസ്ഥാനങ്ങളുടെ സംയുക്ത കൂട്ടായ്മയായ മലയാളി പെന്തകോസ്റ്റൽ അസ്സോസിയേഷൻ (എം പി എ യൂ കെ) യുടെ 19 മത് നാഷണൽ കോൺഫ്രൻസ് 2022 ഏപ്രിൽ 15,16 തീയതികളിൽ ഇംഗ്ലണ്ടിലെ ഓക്സ്ഫോർഡിൽ വച്ചു നടത്തപ്പെടുന്നു. എം പി എ യൂ കെ പ്രസിഡന്റ് പാസ്റ്റർ ബാബു സക്കറിയ പ്രാർത്ഥിച്ചു ഉദ്ഘാടനം ചെയ്യുന്ന കോൺഫ്രൻസിൽ അനുഗ്രഹീതനായ കൺവൻഷൻ പ്രാസംഗികൻ പാസ്റ്റർ കെ ജെ തോമസ്, കുമളി ദൈവവചനം ശുശ്രുഷിക്കുന്നു. ഗാന ശുശ്രുഷകൾക്ക് യൂ കെ യുടെ വിവിധ ഭാഗങ്ങളിൽ നിന്നുള്ള എം പി എ ക്വയറിനൊപ്പം ഗസ്റ്റ് വർഷിപ്പ് ലീഡറായി ബ്രദർ ജോയൽ പടവത്തും നേതൃത്വം നൽകുന്നു. സഹോദരിമാരുടെ പ്രത്യേക സമ്മേളനത്തിൽ സിസ്റ്റർ ദേവാ രാജൻ (യൂ കെ), യുവജനങ്ങൾക്കുള്ള മീറ്റിംഗിൽ ഇവാഞ്ചലിസ്റ്റ്‌ ആരോൺ നായകം എന്നിവർ ദൈവവചനത്തിൽ നിന്നും ശുശ്രുഷിക്കുന്നു. വെള്ളി, ശനി ദിവസങ്ങളിൽ നടക്കുന്ന ഈ വർഷത്തെ മീറ്റിംഗ് രാവിലെ 10:30 മുതൽ രാത്രി 8 മണി വരെ മൂന്ന് വ്യത്യസ്ത സെക്ഷനുകളിലായി നടത്തപെടുന്നതായി എം പി എ യൂ കെ സെക്രട്ടറി പാസ്റ്റർ വിൽ‌സൺ എബ്രഹാം അറിയിച്ചു, കൂടാതെ എം പി എ യൂ കെ വൈസ് പ്രസിഡന്റ് പാസ്റ്റർ സജി മാത്യു, ട്രഷറർ പാസ്റ്റർ ജീ സാമുവേൽ എന്നിവർ മീറ്റിംഗുകൾക്ക് നേതൃത്വം നൽകുന്നു.
